ہزار بیماریوں سے نجات

صاف پانی: ایک بنیادی حق

صاف پانی تک رسائی ایک بنیادی انسانی حق ہے لیکن بدقسمتی سے دنیا بھر میں دس میں سے صرف تین افراد کو آسانی سے پانی دستیاب ہے اور دس میں سے چھ افراد کو صاف پانی میسر ہے۔ ورلڈ ہیلتھ آرگنائزیشن (ڈبلیو ایچ او) کے مطابق بہت سے گھروں ، صحت کی سہولیات اور اسکولوں میں بھی ہاتھ دھونے کے لئے صابن اور پانی کی کمی ہے ، جس سے تمام لوگوں خاص طور پر چھوٹے بچوں میں جان لیوا بیماریوں کا خطرہ ہے۔

پاکستان سالانہ اپنے تازہ پانی کا 74.3 فیصد نکال پاتا ہے ۔ پانی کے بہتراستعمال اور بہتر صفائی کی سہولیات کے تناسب میں غیر معمولی بہتری کے باوجود ، 27.2 ملین پاکستانیوں کو صاف پانی تک رسائی حاصل نہیں ہے، جبکہ52.7 ملین افراد کو صفائی کی مناسب سہولیات تک رسائی حاصل نہیں ہے۔ صحت پر پائے جانے والے اثرات شدید ہیں ۔ہر سال لگ بھگ 39،000 بچے غیر محفوظ پانی اور ناقص صفائی کی وجہ سے اسہال کی بیماری مر جاتے ہیں۔ جوں جوں آبادی بڑھ رہی ہے پانی کی طلب بھی بڑھ رہی ہے ۔ ایسی صورت حال میں ہمیں صاف پانی کی آسان دستیابی کے لیے ہنگامی بنیادوں پر کام کر نا ہوگا۔