دیگر پراجیکٹس
ہمارا مقصد محفوظ، تعلیم یافتہ اور صحت مند معاشرے کا قیام ہے اور ہماری کوشش ہے کہ معاشرے کے ہر فرد کو اپنے مقصد سے ہم آہنگ کر سکیں جس کے نتیجے میں معاشرے کے ہر فرد میں تعمیر و ترقی کے لیے ایک ذمہ دارانہ رویہ جنم لے سکے۔
کریسنٹ فوڈ پروگرام:
بچوں اور بالخصوص ماوں میں خوراک کی کمی کے نتائج بہت بھیانک ہیں۔ بچے خوراک کی کمی سے بہت جلد کمزور ہو جاتے ہیں اور ساری مہلک بیماریاں ان کمزور بچوں پر حاوی ہوجاتی ہیں جس کے نتیجے میں بچہ بالآخر اپنی جان سے ہاتھ دھو بیٹھتا ہے۔ اسی طرح حاملہ ماں کے لیے بھی خوراک کی کمی ماں کے لیے بھی اورمستقبل میں پیدا ہونے والے بچے کی صحت کے لیے بھی خطرناک ثابت ہوتی ہے۔
یونیسیف کی تازہ تحقیق کے مطابق پاکستان میں اڑتیس فیصد بچے ماں کا دودھ پہلے چھ ماہ تک ہی پی پاتے ہیں۔ جس کا نیتجہ یہ ہوتا ہے کہ پانچ سال سے کم عمر کے اکثر بچے وٹامن اے کی کمی کا شکار ہوجاتے ہیں اور چالیس فیصد بچے زنک اور وٹامن ڈی دونوں کی بیک وقت کمی کا شکار ہو جاتے ہیں۔
آپ کی دیے گئے عطیات سے ہم ضرورت مند وں تک خوراک کا راشن پہنچاتے ہیں ۔ اس پیک کی تیاری میں حفظان صحت کے تمام اصولوں کا خیال رکھتے ہیں۔ چھوٹے اور بڑے خاندانوں کے لئے مختلف فوڈ پارسل تیار کیے جاتے ہیں.
سردیوں کا سامان
سردیاں ہر سال آتی ہیں اور کتنی ہی زندگیوں کے چراغ بھجا کر چلی جاتی ہیں اور نجانے کتنے گھروں میں بچے اور بوڑھے ٹھٹھر ٹھٹھر کر سردیوں کے دن گن گن کر پورے کرتے ہیں۔ کسی کے پاس گرم کپڑے ہیں تو لحاف نہیں اور کسی کے پاس سردیوں سے بچاؤ کا کچھ بھی سامان نہیں۔ شدید سردی میں پسماندہ علاقوں کی صورتحال بہت ابتر ہوتی ہے۔ پاکستان میں سردی کے باعث اموات کا ہونا ایک معمول بن گیا ہے۔ اس میں زیادہ ترغریب گھرانے متاثر ہوتے ہیں۔ کریسنٹ ریلیف کی ٹیم اس حوالے سے اپنا ہم کردار ادا کر رہی ہے۔ ہم ہر سال سردیوں میں گرم لحاف اور میڑیس پسماندہ اور دوردرازعلاقوں میں تقسیم کرتے ہیں۔
آپ سے التماس ہے کہ آپ بھی اس کار خیر میں اپنا حصہ ڈالیں۔
تعلیمی ضروریات
تعلیم ہی قوموں کو عروج بخشتی ہے۔ یہ صحیح اور غلط کا ادراک دیتی ہے اور تخلیقی جستجو کو ابھارتی ہے۔ پاکستان میں بائیس ملین بچے آج بھی سکول سے باہر ہیں جو کہ کل آبادی کا چوالیس فیصد ہیں۔ اس کی بڑی وجہ تعلیم پر آنے والے اخراجات ہیں۔ کریسنٹ ریلیف ایسے تمام بچوں کے لیے سرگرم عمل ہے جو سکول جانے کے لیے یونیفارم، کتابیں اور بقیہ ضرور ی اشیا نہیں خرید پاتے۔ آپ بھی صرف دو ہزار روپے کے عطیہ سے ان بچوں کو اس قابل کر سکتے ہیں وہ اپنی تعلیمی ضروریات کی اشیاء خرید کر پورا سال پڑھائی پر توجہ دے سکیں ۔
ویل چئیر گفٹ
ایک معذور انسان کو معاشرے میں بہت تکلیف دہ حالات کا سامنا کرنا پڑتا ہے۔ ایسے شخص کے لیے اپنی مدد آپ کے تحت کام کرنا عام انسانوں کی نسبت مشکل ہوتا ہے۔ ہم چاہتے ہیں کہ کم ازکم ٹانگوں سے محروم یا جسمانی کمزوری سے متاثرہ افراد کو فری ویل چئیر دے سکیں تاکہ وہ بھی ہماری طرح خوبصورت زندگی کا لطف اٹھا سکیں اور اپنی زندگی کو کارآمد بنا سکیں۔ پاکستان میں اب بھی ہزاروں جسمانی محرومی سے متاثرہ افراد آپ کی مدد کے منتظر ہیں۔ آئیے آگے بڑھیے اور ویل چیئر کا تحفہ دے کر کسی ایسے فرد کو معاشرے کا کارآمد شہرینائیں۔
عید گفٹ
شادی کا سامان
ایک لاکھ کی رقم سے ہم ایک بیٹی کی شادی کے لئے گھر بسانے کا بنیادی ضروری سامان فراہم کرتے ہیں۔
کتنے ہی گھر ایسے ہیں جہاں بیٹیاں جوان ہو چکی ہیں اورماں باپ کے پاس ان بچیوں کے لیے شادی کا سامان خریدنا محال ہو چکا ہے۔ ایسے میں کریسنٹ ریلیف ان غریب بچیوں کی شادیوں کے لیے ضروری سامان مہیا کرتی ہے تاکہ ان کی شادیاں وقت پر ہو سکیں اور وہ بھی اپنی زندگی میں خوشیوں کے رنگ بھر سکیں۔ آئیے کریسنٹ ریلیف کے اس کار خیر میں آپ کسی ایک بیٹی کی شادی کا انتظام کر دیجیئے تاکہ اس کے ماں باپ کو سہارا مل سکے اور وہ خوشی خوشی اپنی بیٹی کو رخصت کر سکیں۔
رمضان فوڈ پیک
رمضان المبارک اپنے بے پایاں رحمتوں کے ساتھ ہر سال آتا ہے لیکن ہم میں سے کچھ ایسے بھی ہوتے ہیں جو ہماری طرح رمضان کی خوشیوں سے فیض یاب نہیں ہو پاتے کیونکہ ان کے پاس سہری اور افطار کے لیے کچھ بھی نہیں ہوتا۔ کریسنٹ ریلیف ہر سال رمضان پیکج ضرورت مند گھروں میں تقسیم کرتی ہے۔ جس میں رمضان کی سہری اور افطار کے لیے ضروری سامان ہوتا ہے۔ آپ بھی ہمارے ساتھ مل کر رمضان المبارک میں ضرورت مندوں میں رمضان پیکج تقسیم کرنے میں مدد کر سکتے ہیں۔
